تنتشر الآن عبر الإنترنت كلمات مُرنَمة على موسيقى "الراب" بعنوان "المسيح مش في الكنايس... في الشوارع هتلاقوه... ناس كتير أوى محتاجينة... ولازم فيكم يشوفوه" للاخ فادي الفي 
 تنتقد الكلمات الخلافات بين الطوائف المسيحية وتدعو للوحدة المسيحية، وتنتقد ممن يدعون أنهم مُلاك الحقيقة المطلقة ويكفرون الآخرين.وتسخر الكلمات من صعوبة تعلم اللغة القبطية وفرضها على الخدام في الكنيسة الأرثوذكسية، والتصفيق ورفع الأيدي وغمض العين في الكنيسة الإنجيلية.
وتدعو الكلمات إلى أن المسيحية ليست مجرد ديانة لكنها حياة وسلوك يجب أن يراه الآخرين.

كلمات الترنيمة
اسمعوني يا مؤمنين هحكي لكم أغرب حكاية.. قصة كل واحد فينا وها قولكم من البداية..
يمكن الكلام غريب بس اسمعوني للنهاية... جسد المسيح خلاص أتفرق وهي دي أصل الحكاية..
مبنقبلش بعض خالص  مش بنقبل الاختلاف... صيام بزيت صيام بجبنه بميه وملح أو عيش حاف.
غمض عينيك ارفع أيديك صقف وسبح بالهتاف أوعى تصقف في الكنيسة ومن بابا القسيس تخاف أو امسك أيد أخوك اللي جنبك قوله ليه عايش تعيس..
اطفي النور وارفع أيدك وابدأ انتهر إبليس وخد قرار في حياتك واقبل المسيح وده طبعًا لو كنت بروتستانتي أو في كنيسة إنجيلية... 
أما لو أنت أرثوذكسي وفي الكنيسة التقليدية هتلاقي ألحان كنيسته الحزاينى والفرايحي.
بالعافية هتتعلم قبطي عشان دي اللغة السمائية ولو مش فاهم أي حاجة وبتنطق بالعافية الكلام برضه لازم تتعلم لو عايز تبقى من الخدام أربع وجمعة أوعى تفوّت أي صيام لو عملت كل دة كده هتبقى في التمام
أوعى تروح كنيسة تانية لا بروتستانتي ولا كاثوليك.. يسوع مش موجود هناك هو في كنيستك مستنيبك...
 لو تعرف أي حد منهم أن كان زميلك أو صديق أوعى تشوفه تاني.. دة ورا الشمس هيوديك... إياك تروح كنيسة تانية ومعندكش الاختيار هي دي كنيسة الآباء هتعيش فيها وبالإجبار..
أوعى تتناول من هناك أو تقرب من الأسرار هيعلموك تعليم غلط ونهايتك هتكون في النار.
الغلط هو التحزب الإدانة والخصام دايمًا بنجرح في بعض وعمرنا ما نبطل كلام.
المسيح قال اذهبوا مش تعيشوا مبلطين.
المسيحية مش ديانة... المسيحية دي حياة... كفاياكم تعيشوا في الكنايس وتنسوا الناس اللي بره... دي العيشة من غير يسوع عيشة صعبة عيشة مرة.
المسيح مش في الكنايس... في الشوارع هتلاقوه... ناس كتير أوي محتاجينة... ولازم فيكم يشوفوه"

اقرا ايضا تفسير هذه الاغنية من المؤلف وما هو القصد من هذا النقد اضغط هنا

التعليقات (8)

مكرم كمال: شبرا الخيمة

ربنا يباركك بجد جميلة جدا
بس الناس تفهما صح

1

?????? 21, 2009

ابرام محسن: هذا البريد الإلكتروني محمي من المتطفلين و spambots, تحتاج إلى تفعيل جافا سكريبت لتتمكن من مشاهدته

لا انا شايف ان الترنيمة جميلة وفكرتها حلوة بس اللي يفهم بقي

2

?????? 31, 2009

mama shery: ...

وهل انتوا شايفين ان المسيحى يفضل ينقد وبالشكل دة كنايس الارثوذكس؟ وهو علشان المسيح مش ف الكنايس يبقى ف اجتماعات البروتسانت والانجيلين بس ؟
طب هو الصوم دة مش ربنا اللى قال علية ولا حد تانى جة نادى بية ؟ طب والالحان غلط ان احنا نحفظها ولا نصقف ونغنى بس ؟ هو عيب ان احنا نتعب ونحفظها ولا احنا نتعب بس ف حفظ الاغانى والترانيم الراقصة جدا ؟ طب ولما الاباء القسوس يطلبوا ان الناس ماتسيبش كنايسها وتروح اجتمماعات ف كنايس تانية عشان كل واحد يبقى محافظ على ايمانة ويبقوا خايفين م الزعزعةلان م الاساس كل الناس بقى ايمانها ضعيف ودة مش خوف م الاخر وخلاص لان اللى ايمانهم مزعزع ممكن بكل سهولة زى مايسيبوا الايمان الارثوذكسى ويتجهوا لافكار تانية ممكن يسيب الافكار دى ويتجة لدين تانى
بيتهايالى دى حاجات طبيعية اللى بتتعمل مش تحزبات
يا ريت كل واحد يشوف خلاص نفسة ويسيبة من مين يروح فين وازاى

3

?????? 17, 2010

نورا نادى: المنيا

فعلا دلوقتى الناس بقت فاضيه بتعمل طقوس وبس حتى من غير ماتفهم ايه اللى بتعمله ده اهى حاجه بتقول عليها الكنيسه وخلاص ونسينا ان المسيح هدفه مش طقس نعمله واجتماع نحضره لكن هدفه الوحيد هو قلب نقدمهوله وبتوبه خالصه نديهوله وكمان المسيح اسس كنيسه واحده وهدفها واحد هو المسيح ياريت كلنا نفهم كده ونهديله قلبنا

4

????? 09, 2010

MiriamMcclure30: reply

People should establish their academic grades constantly. Hence, it can be good to buy the custom communication and media essays utilizing a support of realiable quality writing services.

5

????? 16, 2010

.........: ........

علي فكره الترانيمة جميييييييله جدا و ليها معني مش وحش بس افهموها و اسمعوها كويس و هاتفهمو انها حلوة اوي

6

????? 16, 2010

نانسى انور: الفيوم

طيب تعالوااحكيلكم حكاية تانية يمكن تكون احلى
واحد اورثوزكسى وتانى بورستانتى وثالث انجيلى اصحاب اووووووووى
كل واحد فيهم بيتعامل مع الناس باخلاص بيصلى من جوة قلبة بصدق
كل واحد فيهم حطط يسوع قدام عيبنة بس مش واقفين لبعض على الواحدة
يا ترى فهمتو انا اقضد اية ولا اقول تانى
يا اخوتى احنا فى وقت لازم نكون يد واحدةلو سمحتوا اركنوا كل الاخلافات العقائدية على جنب وسبونا نفتكر حاجة واحدة بس اننا مسيحين كلنا مسيحين

7

?????? 04, 2010

وديع بشا: اسيوط

الترنيمة جمييييييييييييييييييييييييي� �ييييييييييييييييييييييييله جدااااااااااااااااااااااااا� �اااااا

8

?????? 14, 2010