إنتهت المرنمه صاحبة الصوت الجميل هايدى منتصر من تسجيل البومها الجديد عمرى ليك, والالبوم الان فى مرحلة الميكساج
يذكر ان الشاعر والفنان رمزي بشاره قد كتب العديد من الترانيم في هذا الألبوم الذى يبدو إنه سيكون متميز ومختلف من الترانيم التي في الالبومات السابقه للمرنمه هايدي منتصر

صلاتنا ان يتمجد الرب من هذا العمل الجديد لكي يكون سبب بركه لكثيرين

استمع الى البومات المرنمه هايدي منتصر السابقه أضغط هنا

التعليقات (17)

عادل أيوب: هذا البريد الإلكتروني محمي من المتطفلين و spambots, تحتاج إلى تفعيل جافا سكريبت لتتمكن من مشاهدته

أنا بس عايز اعرف حاجة مهمة جداً هو الإعلان ده معمول لمين ؟
هايدى منتصر ولا رمزى بشارة ؟ ههههههههههههههههه
يا جماعة طب اعملوها بذكاء حطول أسامى باقى الناس اللى اشتغلت مع هايدى ولا خلاص الباقيين مايستحقوش الذكر
على فكرة انا ماليش أى صلة بالمجال بس الموضوع استفذنى مش أكتر
وبعدين يمناسبة ايه تحطول لينكات حاجات رمزى تحت خبر شريط هايدى
هو صاحب الموقع قريب رمزى ولا ايه ؟

1

????? 25, 2009

ChClip.com Admin: رد للاخ عادل ايوب

سلام يا اخ عادل
شكرا من اجل تعليقك وتسائلاتك بالنسبة للاعلان
كما تعود زوار موقعنا ان نخبرهم على اخر اخبار المرنمين
وهذا الخبر هو ليس اعلان بل انه خبر وضع في الموقع ( يمكنك ان تنظر اليه بمثابة اعلان ) ولكنه مجرد خبر مثل اي خبر اخر
وقد ذكر اسم الاخ رمزي في الخبر كشيء مميز في هذا الالبوم لانه كاتب اغلب ترانيم الالبوم
وبما انه الالبوم ما زال لم يصدر بعد .. فان باقي المعلومات عن الالبوم ليست بحوزتنا :) فلذلك تم تنشر بعد
ولكن بعد ان يصدر الالبوم نستطيع ان نعلن عنه مع ذكر جميع الذين شاركوا في هذا العمل

بالنسبة للينكات التي في اسفل الخبر "مقالات متعلقة" هذا القسم مبرمج بشكل انه يظهر مقالات متعلقة اخرى في الموقع التي يوجد بها تشابه ولها علاقة في كلمات الخبر .. فان هذا القسم هو قسم يظهر مقالات بشكل اوتوماتيكي ..

اعتقد اننا قد اجبنا على جميع تسائلاتك عزيزي عادل ليت الرب يكشف عن عينك حتى ترى عجائب في السماء

2

????? 26, 2009

أسامه فاروق: ليه كده يا عادل ؟؟؟؟ بس إنت مش عادل يا عادل

فى الحقيقه احب أحيى موقع إم بى ثرى وأشكره على متابعته الجيده للميديا المسيحيه وخاصة فى مصر
وأحب أقول إن الأستاذ رمزى شخص مميز جدا وقيام هايدى بترنيم كلماته فى الألبوم ده هو كمان خبر مميز
والأستاذ رمزى لا يحتاج أى إعلانات فهو شاعر مسيحى معروف وغالباً مايقوم بكتابة ألبومات الترانيم التى يشترك بها كلها أى يكتب جميع الترانيم ولكن للأسف فى هذا العمل قام بكتابة خمس ترانيم أو سته فقط
وهناك ترنيمه تراث فأصبح الباقى تلاثة ترانيم كتبهم أشخاص مختلفون
فمن الطبيعى أن يقترن إسم الفنان رمزى بشاره بألبوم عمرى ليك
نظراً لأهميته الفنيه ونظراً لأنه كتب أغلب الكلمات كما قال الآدمن المحترم فى الرد السابق
وحتى إن كان إعلان عن رمزى أنا لا أجد اى مشكله فى ذلك
فى رأيى أن كاتب هذا الموضوع هو شخص يحقد على الأستاذ رمزى أو يكن له كراهية ما
وللأسف أنا أعرفه هو أحد المؤلفين الذين إستعنا بهم فى الكتابه
أكرر صلاة الآدمن من أجلك يا أخ ........... الرب قادر أن يكشف عن عينيك فترى عجائب فى السماء

3

????? 29, 2009

mernil 2010: تعليق

اعتقد يا استاذ اسامه فاروق ماينفعش نقول ان فى حقد او عدم حقد الاستاذ عادل بيكتب تعليق لانه مستغرب الاعلان اللى بالنسبة لك انت شخصياً فهو اعلان غير مدفوع الاجر لان علشان تعمل اعلان زى ده فى اى المواقع انا عارف انه ممكن يكلفك مبالغ طائلة فانت بالنسبة لك لازم تدافع عن رمزى بشارة لانمن احد عوامل نجاح البومك فرجاء بلاش كلام بايخ ملهوش اى لزمه حقد و مش حقد لو جبنا سيرة الحقد فالهنا هو اله سلام و محبه
لا تدينوا
كان ممكن تكتب تعليقك دون اى تجرح فى اى شخص
و انا عاتب على ادمن هذا الموقع اللى ساب الرد بتاع الاستاذ اسامه لان اعتقد من اداب الرد عدم التجريح فى الاخرين
سلام المسيح معاكم الذى لا يكن اى كراهيه لاى شخص فى قلبه
و الذى لا عرف الحقد الى علمنا المحبه و علمنا ايضاً عدم التجريح
رجاء من ادمين الموقع زى ما تركت رد الاستاذ اسامه اترك ردى و اتمنى انه ما يتمسحش

4

????? 08, 2009

جميل سمير: دولة الكويت

سلام ونعمة للجميع
أظن أن الأخ عادل لم يرد على كلام الأخ أسامة فاروق لأن مفيش كلام عندة يرد بية وكدة بياكد كلامة لأن السكوت علامة الرضا زى ماحنا عارفين وكمان فعلا رمزى كتاباته متميزة فعلا
ومش واقعة فى الترنيمة يعنى كلام ماشى بسلاسة دة غير انة كتب لأكبر النجوم فى مجال الترانيم وكمان كتبلهم اكتر من مرة يعنى لو هو مش موهوب فعلا وكمان محترف مكانتش فادية بزى عملت شريط والتانى
وكمان فيففيان السودانية وكمان ارينى ابو جابر وغيرهم وغيره دة غير مجالة التلفزيونى فى إعداد البرامج وكتابة تترتها...
وكفاية كلام لحسن بردة تقول انى متحيز لية أنا كمان بس أنا متابع الاعمال الدينية مش أكتر وسلام الرب يكون معاك..,,,,,,

5

????? 09, 2009

mernil: تعليق

يا جماعه احنا مش مختلفين على رمزى بشارة على انه فنان بمعنى الكلمه اللى احنا معترضين عليه هو طريقه الاسلوب اللى رد بيه الاستاذ اسامه على كلام الاستاذ عادى
للعلم انا لا امد باى صلة لا بالاستاذ عادل و لا بالاستاذ اسامه
و لكنها شهاده حق

6

????? 12, 2009

جون سلامه: يارب نلاقى الألبوم CD

بس يا جماعه اهم حاجه بجد نلاقى الألبوم سى دى
وياريت تقلولنا على مكان البيع بتاعه وتريخ صدوره

7

????? 13, 2009

عماد عزيز ميشيل: مش مشكله

ياجماعه الموضوع بسيط مش محتاج كل الزعل دا رمزي بشاره من اشهر اعلام مجال الترانيم وكلنا عارفين كده مما لا يدع مجال للشك انا احد الملحنين اللي اشتركوا في الالبوم واكيد اسامينا هاتتقال وبعد كده شغلنا هو اللي بيثبتنا مش الاعلانات

وربنا يباركك الكل عماد عزيز

8

????? 16, 2009

رويس: ...

يلا يلا بقي كفاية كدة احنا متعودين بنسمعة في اول الصيف كدة اتاخر اووووووووووووووووي

9

????? 18, 2009

شيرى: ***********

على فكرة انااااااااا سمعت الشريط وهوووو جميل جدااااااااااااا ورووووعة كماااااااااااااان
وسلام المسيح يكون معاااااااااااااااكم

10

????? 20, 2009

nna: ...

هذه الاعمال تستحق التقدير و التهنئه

11

????? 20, 2009

كيرلس النصرانى: منتهى...................!

كلام فى منتهى الهيافة بقينا نسال ع البذرة و مين زرعها و كانها اغانى اهل العالم نعرف مين الف و مين رنم و نمدح ف ده و نشكر ف ده و ناسيين هدف الترانيم .....اصبحنا فى منتهى العمى تقليد اعمى و جاهل لاهل العالم و دخلت البومات هايدى و مريم بطرس و مش عارف مين تانى مع البومات تامر حسنى و عمرو دياب و هيفا و لا بقينا عارفين احنا بنسمع ترنيمة و لا اغنية كله دخل فى بعضه ما ده عصر الكوكتيلات الجاهزة .....مش بعيد بعد كده نلاقى البومات مرنمين نصها اغانى و نصها ترانيم .......ياريت المؤلف و المرنم و المنتج وكل اللى يبقى ليه يد فى البوم يكون قدوة ارجوكم اوعظوا انفسكم و توبوا قبل ما تدعو غيرك للتوبة ........ارجو عدم حذف كلامى........المسيح يرحمنا

12

????? 21, 2009

زكريا عبده سمعان - لفيوم: انت ياا استاذ كيرلس يا نصرانى

انت داخل تشتم كده وتتخانق فيه ايه مالك
مريم بطرس وهايدى مالهم بهيفا وتامر حسنى وعمرو دياب
ايش جاب لجاب
دول بيرنموا لسيدك يسوع وسيدى انا كمان واللى انت قلت اسماءهم بيغنوا للعالم واللى فيه
مع ان العالم يمضى والاشياء اللى فيه هتمضى
وايه مش عايز الناس تهتم باسم المؤلف ليه
انا شخصيا لما بااشوف اسم الفنان رمزى بشاره على غلاف سى دى
لازم اشتريه
هو انت عايزنا نسمع ترانيم وخلاص مايهمش مين اللى عاملها
او عاملها ازاى
وبالنسبه للاعلانات
االاستاذ اللى كان بيعترض فوق عايز ايه بالظبط
يهمه فى ايه الاعلان عن هايدى وللا عن رمزى
واهو شريط هايدى نزل وفيه اربع ترانيم بحالهم من كلمات الفنان رمزى بشاره
مافيش واحده فيهم مش قنبله
كلهم يبكتوا ويخلوا اللى يسمع يتوووووووووووب
هو ده رمزى االلى معودنا على الابداع والفن
والجميل هنا ان كل الترانيم كتابيه
انا اشكر الفنان المبدع رمزى بشاره
والمرنمه الرائعه هايدى منتصر على المجهود المبارك ده

13

????? 21, 2009

جميل سمير: الكويت

سلام المسيح ليكوا
ياجماعة هو فعلاً الموضوع مش خناق
لكن أنا عايز أسأل سؤال صغير مش المفرود لما أسمع ترنيمة لازم تكون سليمة تقصياً وعقائدياً؟؟؟
عشان لما ارمم ترنيمة منها
تكون فعلاً سليمة مش كلام مرصوص ومترتب وخلاص وممكن فى الاخر يكون فية كلام غلط ,المفرود طبعاً تكون الترنيمة متكاملة ولازام انا اعرف مين اللى بيكتب كويس طب ما فية ناس بتكتب كلام وخلاص ومش صح فلازم فعلاً الواحد يشوف مين كاتب عشان لما يسمع ويقول يكون مطمن وكمان فية ناس مش عارف ممكن يكون فية كلام حلو وغلط مش باين ومش اى حد يعرفة من الناس العادية البسيطة وفعلاً الاخ رمزىبشاره أنا أغلب اللى سمعتهولة دة لو مش كلة أنا مش فاكر بالظبط بصراحة كلها بتعجبنى سواء من طقسية الكلمات وترتيبة
بس أنا عندى عتاب شوية على الهيصة اللى بتبقى فى الترانيم من مزيكا عالية وزايدة عن حدودها أى نعم اننا لازم نجارى العصر والواحد لازم يسمع ترنيمة ما ينمش فى نصها زى اجتماعات زمان وعشان الناس ترضى تسمع ترانيم نقربها كتير من الاغانى بس ماتوصلش بالشكل دة ياريت نهدى شوية ونقلل عشان الواحد يسمع الكلام كويس ويتأثر بية
مع الشكر0

14

????? 25, 2009

Chclip.com Admin: للاخ جميل سمير

شكرا عزيزي على المشاركة لك في الموقع .. وبالنسبة لطلبك ان يكون مكتوب اسماء الكاتبين
فانك تستطيع معرفة هذا الشيء اكيد لما تشتري الالبوم .. يكون موجوده جميع هذه التفاصيل التي انت تبحث عنها
وايضا يمكنك وجودها في خبر اصدار الالبوم عن طريق هذا اللينك
http://chclip.com/index.php/news/world-news/158.html

15

????? 26, 2009

بيتر..من.اسكندرية: كنيسة.مكسيموس.ودوماديوس.والقوى.الانبا.موسى

..............الترانيم.هيا.نعمة.من.عند.ربنا.وبلاش.نعمل.كدة.فى.بعض.ولو.الحاجة.دية.هتبقا.سبب.فى.ان.احنا.نتكبر.على.بعض.مع.احترمى.للموجودين.بلاش.ربنا.عارف.وشايف.كل.واحد.بيتعب.قد.اية.فى.الشريط.بتاعوا.ولا.نكون.سوء.الظن.مش.مهم.مين.عمل.كتير.قليل..حلو.وحش.مش.مهم.كل.دة.كفاية.انا.تعبت.واحاول.المرة.اللى.بعديها.يبقا.احسن...............انا.ممكن.اول.مرة.اشارك.معاكوم.ولو.رضى.مش.عاجب.حد.انا.هخرج.حالا

16

????? 27, 2009

خادم الرب: رجاء

يار يت هايدى منتصر تيجى تزورنا فى مصر لان شعبيتها فى مصر كتيرة ودة بنعمة من عند الرب وخاصتا تيجى الصعيد
ربنا يباركك

17

?????? 04, 2009